Minuriteettikielet saava vahveman ställninkin koulussa
2015-08-21
Syystärmiinistä 2015 alkaen enemän oppilhaita saava maholisuuksen lukea minuriteettikieltä äitinkielenopetuksen raamissa. Lainmuutos poisti vaatimuksen ette yhelä lapsen huoltajala pittää olla kieli äitinkielenä ja ette oppilhaala pittää olla kielen perustiiot.
Tämä tarkottaa ette oppilhaat nyt voiva oppia kielen alkheet ja saa’a takashiin aijeman sukupolven kielen. Ruottin viis minuriteettikieltä – suomi, meänkieli, jiddisji, saame ja romani saapi tämän mukhaan vahveman ställninkin koulussa. Jo tänhään oon pula minuriteettikielten äitikielenopettajista ja lainmuutoksen jälkheen paine kasvaa. Koululaitos oon tämän takia ottanu käythöön pikakoulutuksen äitinkielenopettajaksi.